ଓଡ଼ିଶାରେ ଗଠନ ହେବ ସବୁଜ ଶକ୍ତି ଉତ୍କର୍ଷ କେନ୍ଦ୍ର: ଓଏଚପିସି-ବିଶ୍ୱ ଦକ୍ଷତା କେନ୍ଦ୍ର ମଧ୍ୟରେ ଏମଓୟୁ
ଭୁବନେଶ୍ୱର: ଓଡ଼ିଶାର ଯୁବପିଢ଼ିଙ୍କୁ ଅକ୍ଷୟ ଓ ସବୁଜ ଶକ୍ତି କ୍ଷେତ୍ରରେ ଶିଳ୍ପ-ଉପଯୋଗୀ ଦକ୍ଷତା ପ୍ରଦାନ ଲକ୍ଷ୍ୟରେ ଏକ ବଡ଼ ପଦକ୍ଷେପ ନିଆଯାଇଛି। ଭୁବନେଶ୍ୱରରେ ‘ସବୁଜ ଶକ୍ତି ଉତ୍କର୍ଷ କେନ୍ଦ୍ର’ ସ୍ଥାପନ ପାଇଁ ଓଡ଼ିଶା ହାଇଡ୍ରୋ ପାୱାର କର୍ପୋରେସନ୍ ଲିମିଟେଡ୍ (ଓଏଚପିସି) ଓ ବିଶ୍ୱ ଦକ୍ଷତା କେନ୍ଦ୍ର ମଧ୍ୟରେ ବୁଝାମଣାପତ୍ର ସ୍ୱାକ୍ଷର ହୋଇଛି।
ଭୁବନେଶ୍ୱର ମଞ୍ଚେଶ୍ୱର ଶିଳ୍ପାଞ୍ଚଳରେ ଥିବା ବିଶ୍ୱ ଦକ୍ଷତା କେନ୍ଦ୍ର କ୍ୟାମ୍ପସର ‘କୌଶଳ ଭବନ’ରେ ଏହି କେନ୍ଦ୍ର ପ୍ରତିଷ୍ଠା କରାଯିବ। ପ୍ରକଳ୍ପ ପାଇଁ ୧ କୋଟି ୪୮ ଲକ୍ଷ ୭୫ ହଜାର ୯ ଟଙ୍କା ବ୍ୟୟ ହେବ। ଓଏଚପିସି ନିଜର କର୍ପୋରେଟ ସାମାଜିକ ଦାୟିତ୍ୱବୋଧ (CSR) ପାଣ୍ଠିରୁ ସମ୍ପୂର୍ଣ୍ଣ ଖର୍ଚ୍ଚ ବହନ କରିବ।
ପ୍ରାୟ ୩ ହଜାର ବର୍ଗଫୁଟ୍ ଅଞ୍ଚଳରେ ପ୍ରସ୍ତୁତ ହେବାକୁ ଥିବା ଏହି କେନ୍ଦ୍ରରେ ଆଧୁନିକ ସବୁଜ ଶକ୍ତି ପ୍ରଯୁକ୍ତି ସମ୍ପର୍କିତ ପ୍ରଶିକ୍ଷଣ ଓ ପ୍ରାୟୋଗିକ ପ୍ରଦର୍ଶନର ବ୍ୟବସ୍ଥା ରହିବ। ରୁଫ୍ଟପ୍ ସୋଲାର, ଫ୍ଲୋଟିଂ ସୋଲାର ପ୍ରକଳ୍ପ, ସୋଲାର ଟ୍ରାକର୍ ଟେକ୍ନୋଲୋଜି ସହ PLC ଓ SCADA, ଇଣ୍ଡଷ୍ଟ୍ରିଆଲ୍ IoT, ରିମୋଟ୍ ମନିଟରିଂ, ଡିଜିଟାଲ୍ ଟେକ୍ନୋଲୋଜି, ପ୍ରିଡିକ୍ଟିଭ୍ ମେଣ୍ଟେନାନ୍ସ, ଏନର୍ଜି ମ୍ୟାନେଜମେଣ୍ଟ ଏବଂ ଏନର୍ଜି ଷ୍ଟୋରେଜ୍ ଭଳି କ୍ଷେତ୍ରରେ ଯୁବପିଢ଼ିଙ୍କୁ ତାଲିମ ମିଳିବ।\
ଏହି କେନ୍ଦ୍ର ମାଧ୍ୟମରେ ପ୍ରତିବର୍ଷ ପ୍ରାୟ ୩୦୦ ଜଣ ଯୁବକଯୁବତୀଙ୍କୁ ସବୁଜ ଶକ୍ତି କ୍ଷେତ୍ରରେ ଆବଶ୍ୟକ ଦକ୍ଷତା ପ୍ରଦାନ କରାଯିବ। ସୋଲାର ପିଭି ଟେକ୍ନିସିଆନ୍, ଅପରେସନ୍ ଓ ମେଣ୍ଟେନାନ୍ସ ଟେକ୍ନିସିଆନ୍, ସାଇଟ୍ ସୁପରଭାଇଜର ଏବଂ ଏନର୍ଜି ଅଡିଟର ଭଳି ବିଭିନ୍ନ କ୍ଷେତ୍ରରେ ତାଲିମ ଦିଆଯିବ।
ଏହା ସହିତ ସୋଲାର ପ୍ରକଳ୍ପ ସ୍ଥାପନ, ପରିଚାଳନା ଓ ରକ୍ଷଣାବେକ୍ଷଣକୁ ନେଇ ନିଜସ୍ୱ ଉଦ୍ୟମ ଆରମ୍ଭ କରିବା ପାଇଁ ଯୁବକଯୁବତୀଙ୍କୁ ସୁଯୋଗ ମିଳିବ। ଫଳରେ ଅକ୍ଷୟ ଶକ୍ତି କ୍ଷେତ୍ରରେ ନିଯୁକ୍ତି ସହ ସ୍ୱ-ନିଯୁକ୍ତି ଓ ଉଦ୍ୟୋଗୀ ହେବାର ନୂଆ ରାସ୍ତା ଖୋଲିବା ଆଶା କରାଯାଉଛି।
ଏହି ପଦକ୍ଷେପକୁ ନେଇ ଉପମୁଖ୍ୟମନ୍ତ୍ରୀ ତଥା କୃଷି ଓ ଶକ୍ତି ବିଭାଗର ଦାୟିତ୍ୱରେ ଥିବା କନକ ବର୍ଦ୍ଧନ ସିଂହ ଦେଓ କହିଛନ୍ତି, ଓଏଚପିସି କାର୍ଯ୍ୟକ୍ଷମ ଥିବା ଜିଲ୍ଲାଗୁଡ଼ିକରୁ ଚୟନ ହେଉଥିବା ଯୁବକଯୁବତୀଙ୍କୁ ଆଧୁନିକ ସବୁଜ ଶକ୍ତି କ୍ଷେତ୍ରରେ ଦକ୍ଷତା ହାସଲ କରିବାର ସୁଯୋଗ ମିଳିବ। ଏହା ମାଧ୍ୟମରେ ନିଯୁକ୍ତି, ଉଦ୍ୟୋଗୀକରଣ ଓ ସ୍ୱ-ନିଯୁକ୍ତିର ନୂଆ ସମ୍ଭାବନା ସୃଷ୍ଟି ହେବ।
ଶିଳ୍ପ ତଥା ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗର ରାଷ୍ଟ୍ରମନ୍ତ୍ରୀ (ସ୍ୱାଧୀନ ଦାୟିତ୍ୱ) ସମ୍ପଦ ଚନ୍ଦ୍ର ସ୍ୱାଇଁ କହିଛନ୍ତି, ସବୁଜ ଶକ୍ତିର ବିଶ୍ୱବ୍ୟାପୀ ଚାହିଦା ବଢ଼ୁଥିବା ବେଳେ ଓଡ଼ିଶାର ଯୁବକଯୁବତୀଙ୍କୁ ଏହି କ୍ଷେତ୍ର ପାଇଁ ପ୍ରସ୍ତୁତ କରିବା ଏହି ପ୍ରକଳ୍ପର ମୁଖ୍ୟ ଉଦ୍ଦେଶ୍ୟ। ଏହି କେନ୍ଦ୍ର ଯୁବବର୍ଗଙ୍କୁ ଦେଶ ସହ ବିଶ୍ୱସ୍ତରୀୟ ସୁଯୋଗ ପାଇଁ ମଧ୍ୟ ପ୍ରସ୍ତୁତ କରିବ ବୋଲି ସେ କହିଛନ୍ତି।
ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗର କମିଶନର-ତଥା-ଶାସନ ସଚିବ ଭୂପେନ୍ଦ୍ର ସିଂହ ପୁନିଆଙ୍କ ମତରେ, ଶକ୍ତି କ୍ଷେତ୍ରରେ ଚାଲିଥିବା ପରିବର୍ତ୍ତନକୁ ଦୃଷ୍ଟିରେ ରଖି ନୂଆ ଦକ୍ଷତା ଆବଶ୍ୟକ ହେଉଛି। ବିଶ୍ୱ ଦକ୍ଷତା କେନ୍ଦ୍ର ସହ ଏହି ସହଯୋଗ ଶିଳ୍ପର ବର୍ତ୍ତମାନ ଆବଶ୍ୟକତା ଓ ପ୍ରଶିକ୍ଷଣ ବ୍ୟବସ୍ଥା ମଧ୍ୟରେ ସମନ୍ୱୟ ଆଣିବ ବୋଲି ସେ କହିଛନ୍ତି।
ଶକ୍ତି ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ତଥା ଓଏଚପିସିର ଅଧ୍ୟକ୍ଷ ଓ ପରିଚାଳନା ନିର୍ଦ୍ଦେଶକ ବିଶାଳ କୁମାର ଦେବ କହିଛନ୍ତି, ପାରମ୍ପରିକ ଶକ୍ତିରୁ ସବୁଜ ଶକ୍ତି ଆଡ଼କୁ ବିଶ୍ୱ ଆଗକୁ ବଢ଼ୁଛି। ଏହି ପରିବର୍ତ୍ତନରେ ଓଡ଼ିଶାର ଦକ୍ଷ ଯୁବବର୍ଗଙ୍କ ପାଇଁ ନୂଆ ସୁଯୋଗ ସୃଷ୍ଟି ହେବ।
ବିଶ୍ୱ ଦକ୍ଷତା କେନ୍ଦ୍ରର ସିଇଓ ରଶ୍ମି ରଞ୍ଜନ ମହାପାତ୍ର କହିଛନ୍ତି, ଏହି ସହଭାଗିତା ଶକ୍ତି କ୍ଷେତ୍ର ପାଇଁ ଆବଶ୍ୟକ ଦକ୍ଷ ମାନବ ସମ୍ବଳ ପ୍ରସ୍ତୁତ କରିବାରେ ସହାୟକ ହେବ। ଓଡ଼ିଶାର ଯୁବବର୍ଗ ଆଗାମୀ ଦିନରେ ସବୁଜ ଶକ୍ତି କ୍ଷେତ୍ରରେ ନେତୃତ୍ୱ ନେବାର କ୍ଷମତା ହାସଲ କରିବେ ବୋଲି ସେ ଆଶା ପ୍ରକାଶ କରିଛନ୍ତି।
ଓଏଚପିସି ପକ୍ଷରୁ ନିର୍ଦ୍ଦେଶକ (ମାନବ ସମ୍ବଳ) ସନ୍ଦୀପ ପଟ୍ଟନାୟକ ଏବଂ ବିଶ୍ୱ ଦକ୍ଷତା କେନ୍ଦ୍ର ପକ୍ଷରୁ ସିଇଓ ରଶ୍ମି ରଞ୍ଜନ ମହାପାତ୍ର ଏମଓୟୁରେ ସ୍ୱାକ୍ଷର କରିଥିଲେ।
ଏହି ଅବସରରେ ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହ ଦେଓ, ରାଷ୍ଟ୍ରମନ୍ତ୍ରୀ ସମ୍ପଦ ଚନ୍ଦ୍ର ସ୍ୱାଇଁ, ଶକ୍ତି ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ବିଶାଳ କୁମାର ଦେବ, ଦକ୍ଷତା ବିକାଶ ବିଭାଗର କମିଶନର-ତଥା-ଶାସନ ସଚିବ ଭୂପେନ୍ଦ୍ର ସିଂହ ପୁନିଆଙ୍କ ସମେତ ଓଏଚପିସି ଓ ବିଶ୍ୱ ଦକ୍ଷତା କେନ୍ଦ୍ରର ବହୁ ବରିଷ୍ଠ ଅଧିକାରୀ ଉପସ୍ଥିତ ଥିଲେ।
ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗର ସ୍ୱତନ୍ତ୍ର ସଚିବ ତଥା ବିଶ୍ୱ ଦକ୍ଷତା କେନ୍ଦ୍ରର ସିଓଓ ସନ୍ତୋଷୀ ସାହୁ ମଧ୍ୟ ଏହି ପଦକ୍ଷେପକୁ ସବୁଜ ଶକ୍ତି ଓ ଦକ୍ଷ ମାନବ ସମ୍ବଳ—ଦୁଇଟି ପ୍ରାଥମିକତାକୁ ଏକାଠି କରୁଥିବା ଏକ ପ୍ରୟାସ ବୋଲି ମତ ଦେଇଛନ୍ତି।
ଓଏଚପିସି ଓ ବିଶ୍ୱ ଦକ୍ଷତା କେନ୍ଦ୍ରର ଏହି ସହଯୋଗ ମାଧ୍ୟମରେ ଓଡ଼ିଶାରେ ସବୁଜ ଶକ୍ତି କ୍ଷେତ୍ର ପାଇଁ ଦକ୍ଷ ମାନବ ସମ୍ବଳ ପ୍ରସ୍ତୁତ ହେବା ସହ ଯୁବପିଢ଼ିଙ୍କ ପାଇଁ ନିଯୁକ୍ତି ଓ ଉଦ୍ୟୋଗୀ ହେବାର ନୂଆ ସୁଯୋଗ ସୃଷ୍ଟି ହେବ।
ଭୁବନେଶ୍ୱର: ଓଡ଼ିଶାର ଯୁବପିଢ଼ିଙ୍କୁ ଅକ୍ଷୟ ଓ ସବୁଜ ଶକ୍ତି କ୍ଷେତ୍ରରେ ଶିଳ୍ପ-ଉପଯୋଗୀ ଦକ୍ଷତା ପ୍ରଦାନ ଲକ୍ଷ୍ୟରେ ଏକ ବଡ଼ ପଦକ୍ଷେପ ନିଆଯାଇଛି। ଭୁବନେଶ୍ୱରରେ ‘ସବୁଜ ଶକ୍ତି ଉତ୍କର୍ଷ କେନ୍ଦ୍ର’ ସ୍ଥାପନ ପାଇଁ ଓଡ଼ିଶା ହାଇଡ୍ରୋ ପାୱାର କର୍ପୋରେସନ୍ ଲିମିଟେଡ୍ (ଓଏଚପିସି) ଓ ବିଶ୍ୱ ଦକ୍ଷତା କେନ୍ଦ୍ର ମଧ୍ୟରେ ବୁଝାମଣାପତ୍ର ସ୍ୱାକ୍ଷର ହୋଇଛି।
ଭୁବନେଶ୍ୱର ମଞ୍ଚେଶ୍ୱର ଶିଳ୍ପାଞ୍ଚଳରେ ଥିବା ବିଶ୍ୱ ଦକ୍ଷତା କେନ୍ଦ୍ର କ୍ୟାମ୍ପସର ‘କୌଶଳ ଭବନ’ରେ ଏହି କେନ୍ଦ୍ର ପ୍ରତିଷ୍ଠା କରାଯିବ। ପ୍ରକଳ୍ପ ପାଇଁ ୧ କୋଟି ୪୮ ଲକ୍ଷ ୭୫ ହଜାର ୯ ଟଙ୍କା ବ୍ୟୟ ହେବ। ଓଏଚପିସି ନିଜର କର୍ପୋରେଟ ସାମାଜିକ ଦାୟିତ୍ୱବୋଧ (CSR) ପାଣ୍ଠିରୁ ସମ୍ପୂର୍ଣ୍ଣ ଖର୍ଚ୍ଚ ବହନ କରିବ।
ପ୍ରାୟ ୩ ହଜାର ବର୍ଗଫୁଟ୍ ଅଞ୍ଚଳରେ ପ୍ରସ୍ତୁତ ହେବାକୁ ଥିବା ଏହି କେନ୍ଦ୍ରରେ ଆଧୁନିକ ସବୁଜ ଶକ୍ତି ପ୍ରଯୁକ୍ତି ସମ୍ପର୍କିତ ପ୍ରଶିକ୍ଷଣ ଓ ପ୍ରାୟୋଗିକ ପ୍ରଦର୍ଶନର ବ୍ୟବସ୍ଥା ରହିବ। ରୁଫ୍ଟପ୍ ସୋଲାର, ଫ୍ଲୋଟିଂ ସୋଲାର ପ୍ରକଳ୍ପ, ସୋଲାର ଟ୍ରାକର୍ ଟେକ୍ନୋଲୋଜି ସହ PLC ଓ SCADA, ଇଣ୍ଡଷ୍ଟ୍ରିଆଲ୍ IoT, ରିମୋଟ୍ ମନିଟରିଂ, ଡିଜିଟାଲ୍ ଟେକ୍ନୋଲୋଜି, ପ୍ରିଡିକ୍ଟିଭ୍ ମେଣ୍ଟେନାନ୍ସ, ଏନର୍ଜି ମ୍ୟାନେଜମେଣ୍ଟ ଏବଂ ଏନର୍ଜି ଷ୍ଟୋରେଜ୍ ଭଳି କ୍ଷେତ୍ରରେ ଯୁବପିଢ଼ିଙ୍କୁ ତାଲିମ ମିଳିବ।
ଏହି କେନ୍ଦ୍ର ମାଧ୍ୟମରେ ପ୍ରତିବର୍ଷ ପ୍ରାୟ ୩୦୦ ଜଣ ଯୁବକଯୁବତୀଙ୍କୁ ସବୁଜ ଶକ୍ତି କ୍ଷେତ୍ରରେ ଆବଶ୍ୟକ ଦକ୍ଷତା ପ୍ରଦାନ କରାଯିବ। ସୋଲାର ପିଭି ଟେକ୍ନିସିଆନ୍, ଅପରେସନ୍ ଓ ମେଣ୍ଟେନାନ୍ସ ଟେକ୍ନିସିଆନ୍, ସାଇଟ୍ ସୁପରଭାଇଜର ଏବଂ ଏନର୍ଜି ଅଡିଟର ଭଳି ବିଭିନ୍ନ କ୍ଷେତ୍ରରେ ତାଲିମ ଦିଆଯିବ।
ଏହା ସହିତ ସୋଲାର ପ୍ରକଳ୍ପ ସ୍ଥାପନ, ପରିଚାଳନା ଓ ରକ୍ଷଣାବେକ୍ଷଣକୁ ନେଇ ନିଜସ୍ୱ ଉଦ୍ୟମ ଆରମ୍ଭ କରିବା ପାଇଁ ଯୁବକଯୁବତୀଙ୍କୁ ସୁଯୋଗ ମିଳିବ। ଫଳରେ ଅକ୍ଷୟ ଶକ୍ତି କ୍ଷେତ୍ରରେ ନିଯୁକ୍ତି ସହ ସ୍ୱ-ନିଯୁକ୍ତି ଓ ଉଦ୍ୟୋଗୀ ହେବାର ନୂଆ ରାସ୍ତା ଖୋଲିବା ଆଶା କରାଯାଉଛି।
ଏହି ପଦକ୍ଷେପକୁ ନେଇ ଉପମୁଖ୍ୟମନ୍ତ୍ରୀ ତଥା କୃଷି ଓ ଶକ୍ତି ବିଭାଗର ଦାୟିତ୍ୱରେ ଥିବା କନକ ବର୍ଦ୍ଧନ ସିଂହ ଦେଓ କହିଛନ୍ତି, ଓଏଚପିସି କାର୍ଯ୍ୟକ୍ଷମ ଥିବା ଜିଲ୍ଲାଗୁଡ଼ିକରୁ ଚୟନ ହେଉଥିବା ଯୁବକଯୁବତୀଙ୍କୁ ଆଧୁନିକ ସବୁଜ ଶକ୍ତି କ୍ଷେତ୍ରରେ ଦକ୍ଷତା ହାସଲ କରିବାର ସୁଯୋଗ ମିଳିବ। ଏହା ମାଧ୍ୟମରେ ନିଯୁକ୍ତି, ଉଦ୍ୟୋଗୀକରଣ ଓ ସ୍ୱ-ନିଯୁକ୍ତିର ନୂଆ ସମ୍ଭାବନା ସୃଷ୍ଟି ହେବ।
ଶିଳ୍ପ ତଥା ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗର ରାଷ୍ଟ୍ରମନ୍ତ୍ରୀ (ସ୍ୱାଧୀନ ଦାୟିତ୍ୱ) ସମ୍ପଦ ଚନ୍ଦ୍ର ସ୍ୱାଇଁ କହିଛନ୍ତି, ସବୁଜ ଶକ୍ତିର ବିଶ୍ୱବ୍ୟାପୀ ଚାହିଦା ବଢ଼ୁଥିବା ବେଳେ ଓଡ଼ିଶାର ଯୁବକଯୁବତୀଙ୍କୁ ଏହି କ୍ଷେତ୍ର ପାଇଁ ପ୍ରସ୍ତୁତ କରିବା ଏହି ପ୍ରକଳ୍ପର ମୁଖ୍ୟ ଉଦ୍ଦେଶ୍ୟ। ଏହି କେନ୍ଦ୍ର ଯୁବବର୍ଗଙ୍କୁ ଦେଶ ସହ ବିଶ୍ୱସ୍ତରୀୟ ସୁଯୋଗ ପାଇଁ ମଧ୍ୟ ପ୍ରସ୍ତୁତ କରିବ ବୋଲି ସେ କହିଛନ୍ତି।
ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗର କମିଶନର-ତଥା-ଶାସନ ସଚିବ ଭୂପେନ୍ଦ୍ର ସିଂହ ପୁନିଆଙ୍କ ମତରେ, ଶକ୍ତି କ୍ଷେତ୍ରରେ ଚାଲିଥିବା ପରିବର୍ତ୍ତନକୁ ଦୃଷ୍ଟିରେ ରଖି ନୂଆ ଦକ୍ଷତା ଆବଶ୍ୟକ ହେଉଛି। ବିଶ୍ୱ ଦକ୍ଷତା କେନ୍ଦ୍ର ସହ ଏହି ସହଯୋଗ ଶିଳ୍ପର ବର୍ତ୍ତମାନ ଆବଶ୍ୟକତା ଓ ପ୍ରଶିକ୍ଷଣ ବ୍ୟବସ୍ଥା ମଧ୍ୟରେ ସମନ୍ୱୟ ଆଣିବ ବୋଲି ସେ କହିଛନ୍ତି।
ଶକ୍ତି ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ତଥା ଓଏଚପିସିର ଅଧ୍ୟକ୍ଷ ଓ ପରିଚାଳନା ନିର୍ଦ୍ଦେଶକ ବିଶାଳ କୁମାର ଦେବ କହିଛନ୍ତି, ପାରମ୍ପରିକ ଶକ୍ତିରୁ ସବୁଜ ଶକ୍ତି ଆଡ଼କୁ ବିଶ୍ୱ ଆଗକୁ ବଢ଼ୁଛି। ଏହି ପରିବର୍ତ୍ତନରେ ଓଡ଼ିଶାର ଦକ୍ଷ ଯୁବବର୍ଗଙ୍କ ପାଇଁ ନୂଆ ସୁଯୋଗ ସୃଷ୍ଟି ହେବ।
ବିଶ୍ୱ ଦକ୍ଷତା କେନ୍ଦ୍ରର ସିଇଓ ରଶ୍ମି ରଞ୍ଜନ ମହାପାତ୍ର କହିଛନ୍ତି, ଏହି ସହଭାଗିତା ଶକ୍ତି କ୍ଷେତ୍ର ପାଇଁ ଆବଶ୍ୟକ ଦକ୍ଷ ମାନବ ସମ୍ବଳ ପ୍ରସ୍ତୁତ କରିବାରେ ସହାୟକ ହେବ। ଓଡ଼ିଶାର ଯୁବବର୍ଗ ଆଗାମୀ ଦିନରେ ସବୁଜ ଶକ୍ତି କ୍ଷେତ୍ରରେ ନେତୃତ୍ୱ ନେବାର କ୍ଷମତା ହାସଲ କରିବେ ବୋଲି ସେ ଆଶା ପ୍ରକାଶ କରିଛନ୍ତି।
ଓଏଚପିସି ପକ୍ଷରୁ ନିର୍ଦ୍ଦେଶକ (ମାନବ ସମ୍ବଳ) ସନ୍ଦୀପ ପଟ୍ଟନାୟକ ଏବଂ ବିଶ୍ୱ ଦକ୍ଷତା କେନ୍ଦ୍ର ପକ୍ଷରୁ ସିଇଓ ରଶ୍ମି ରଞ୍ଜନ ମହାପାତ୍ର ଏମଓୟୁରେ ସ୍ୱାକ୍ଷର କରିଥିଲେ।
ଏହି ଅବସରରେ ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହ ଦେଓ, ରାଷ୍ଟ୍ରମନ୍ତ୍ରୀ ସମ୍ପଦ ଚନ୍ଦ୍ର ସ୍ୱାଇଁ, ଶକ୍ତି ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ବିଶାଳ କୁମାର ଦେବ, ଦକ୍ଷତା ବିକାଶ ବିଭାଗର କମିଶନର-ତଥା-ଶାସନ ସଚିବ ଭୂପେନ୍ଦ୍ର ସିଂହ ପୁନିଆଙ୍କ ସମେତ ଓଏଚପିସି ଓ ବିଶ୍ୱ ଦକ୍ଷତା କେନ୍ଦ୍ରର ବହୁ ବରିଷ୍ଠ ଅଧିକାରୀ ଉପସ୍ଥିତ ଥିଲେ।
ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗର ସ୍ୱତନ୍ତ୍ର ସଚିବ ତଥା ବିଶ୍ୱ ଦକ୍ଷତା କେନ୍ଦ୍ରର ସିଓଓ ସନ୍ତୋଷୀ ସାହୁ ମଧ୍ୟ ଏହି ପଦକ୍ଷେପକୁ ସବୁଜ ଶକ୍ତି ଓ ଦକ୍ଷ ମାନବ ସମ୍ବଳ—ଦୁଇଟି ପ୍ରାଥମିକତାକୁ ଏକାଠି କରୁଥିବା ଏକ ପ୍ରୟାସ ବୋଲି ମତ ଦେଇଛନ୍ତି।
ଓଏଚପିସି ଓ ବିଶ୍ୱ ଦକ୍ଷତା କେନ୍ଦ୍ରର ଏହି ସହଯୋଗ ମାଧ୍ୟମରେ ଓଡ଼ିଶାରେ ସବୁଜ ଶକ୍ତି କ୍ଷେତ୍ର ପାଇଁ ଦକ୍ଷ ମାନବ ସମ୍ବଳ ପ୍ରସ୍ତୁତ ହେବା ସହ ଯୁବପିଢ଼ିଙ୍କ ପାଇଁ ନିଯୁକ୍ତି ଓ ଉଦ୍ୟୋଗୀ ହେବାର ନୂଆ ସୁଯୋଗ ସୃଷ୍ଟି ହେବ।
